Талаба ёшларни ҳуқуқий маданияти функциялари таснифи
Тошкент кимё-технология институтиЎзбекистон Республикасида демократик фуқаролик жамияти шакллантириш омилларидан бири талаба ёшларнинг ҳуқуқий маданиятини оширишдир. Айни чоғда бугунги талаба ёшлар келажакда мамлакатимизни замонавийлаштиришда, демократик қадриятларнинг қарор топишида, ижтимоий, иқтисодий, сиёсий, ҳуқуқий соҳаларни бошқариб, эркин, фаровон ва юксак маданиятли жамиятни барпо этишда катта кучга айланадилар. Шу ўринда Президент И.А.Каримовнинг қуйидаги фикрларини эслаш жоиз: «…Биз ўз ҳақ-ҳуқуқларини танийдиган, ўз кучи ва имкониятларига таянадиган, атрофида содир бўлаётган воқеа-ҳодисаларга мустақил муносабат билан ёндашадиган, айни замонда шахсий манфаатларини мамлакат ва халқ манфаатлари билан уйғун ҳолда кўрадиган эркин, ҳар жиҳатдан баркамол инсонларни тарбиялаш вазифаси истиқлол йилларида биз учун ҳал қилувчи масалага айланди»[1].